Oracle Database SQL təlimində iştirakçılar databazanı düzgün strukturlaşdırmağı, SQL funksiyalarının tətbiqini, mürəkkəb data modellərin qurulmasını öyrənəcək, proyektlərlə işləyərək müxtəlif bizneslər üçün databaza həlləri tapacaq və onları tətbiq edəcəklər.
Təlimin sonunda iştirakçılar Beynəlxalq Oracle SQL sertifikat imtahanına girmək üçün iləri (advanced) bacarıqlar qazanmış olacaqlar.
Şahin Kərimov - Oracle Database SQL Expert Certified. SQL üzrə təcrübəsi 2007-2022-ci illəri əhatə edir. Daha öncə Expressbankda IT Departamentinin rəhbəri kimi çalışmışdır. Hazırda Bank Respublikada İnformasiya Texnologiyaları departamentində direktor müavini vəzifəsində çalışır. Həmçinin Xəzər Universitetində akademik fəaliyyət göstərir. 2012-ci ildən etibarən həm fərdi, həm korperativ təlimlərdə təlimçi olaraq çıxış edir.
Dərslər nümunə məlumatlar bazası üzərində qurulur. Təlim alan tərəf öz arzusu ilə test məlumat bazasında imkan yaradarsa, dərslər həmin baza üzrərində qurula bilər. Oracle SQL əmrləri hər hansı tooldan asılı olmayaraq (SQL Developer, PLSQL Developer, Toad və s.) sərbəst istifadə edilə biləcək qaydada öyrədilir. Təlimin sonunda iştirakçılar müxtəlif proyeklər üzərində öyrəndiklərini tətbiq edəcək və bununla öz portfoliolarını genişləndirə biləcəklər. Əlavə olaraq, təlim müddətində iştirakçılar üçün yaradılmış qruplarda tam mentorluq dəstəyi göstəriləcək, müzakirələrə qatılmaq və beynəlxalq sertifikat imtahanlarına hazırlaşmaq imkanı əldə edəcəklər.
Oracle və SQL-ə giriş: Sadə sorğuların yazılması
SQL Funksiyaları
İki və daha çox cədvəldən məlumatların çıxarılması və Alt sorğular
Cədvəllərin strukturları və məlumatlarla iş sorğuları(DDL, DML)
Constraint və View obyektləri
İndekslər, Ardıcıl qiymətlər verən obyekt, Sinonimlər və Çoxluq əməliyyatları (Indexes, Squences, Synonyms, SET operators)
Requlyar ifadələr, pivot və ağacvari strukturlu sql sorğuları
Oracle istifadəçi idarəetməsi və yekun praktika
1z0-071 Beynəlxalq Oracle SQL sertifikat imtahanı ilə tanışlıq və hazırlıq.
PL/SQL-ə giriş
Block structure, variables, identifiers, Record types
Control and Loop statements, Collections
Functions, Procedures and Packages
Biznes dünyasına giriş
Həm Şahin müəllimə, həm Data SoCool komandasına, həm də kurs yoldaşlarıma təşəkkürlər. Təssüf ki, işlərlə əlaqədar ən çox dərs buraxan tələbə oldum, amma hətta dərs buraxa-buraxa çox şey öyrənə bildim Şahin müəllimin sayəsində.
Şahin müəllimə hər şeyi səbrlə, təmkinlə başa salıb can yandırdıgına görə xüsusi təşəkkür edirəm. Əziyyətinizi halal edin!
Çoxdandır öyrənmək istədiyim bir proqram ilə əlaqəli SQL kursuna başladım. İlk öncə çox çətin gəlirdi, heç bir məlumatım olmadığı və işlə paralel kursda iştirak etdiyim üçün. Buna baxmayaraq kursa davam etdim və yekunlaşdırdım. Başda Şahin müəllim olmaqla həm Data SoCool kollektivinə, həm də kurs yoldaşlarıma təşəkkürümü bildirirəm. Dərsləri öz fərqli üslubu ilə keçib, çox sadə və həmçinin maraqla, sabrlə izah edən, suallarımızı cavablandıran, çətin olacaq dediyimiz anlarda bizi daim motivasiyalandıran və kömək göstərən Şahin müəllimə əziyyəti üçün minnətdaram! Öyrənmək istəyən hər kəsə tövsiyyə edirəm.
Mən şəxsən müəllimin tədris metodikasından və kursun gedişindən çox razı qaldım və buna görə Şahin müəllim başda olmaqla hər birinizə təşəkkürümü bildirirəm.
Təlimçi Şahin Kərimovun təqdimatında keçirilən SQL təlimində 2 aydan artıqdır ki iştirak edirəm. Bu müddət ərzində SQL baza biliklərimi dahada təkminləşdirdim. SQL biliklərimin artmasında keçirilən təlim zamanı praktiki keyslərin böyük rolu olmuşdur.
Təlimin ilk günündə ümumi giriş verdikdə təlimçinin izah etməyi məni daha da həvəsləndirdi.Təlim müddəti ərzində real olaraq datanın bir bazada işlənmə prinsipi haqqında təsəvvür yarandı və artıq kortəbii şəkildə data ilə hansısa bir əməliyyat icra edildikdə təsəvvür edib daha anlaşıqlı şəkildə işə başlaya bilirəm. Sözün əsl mənasında təlimçinin tam bir mentor kimi yanaşması və peşəkarlığı mənə çox yardımçı oldu, bunu istər məsələyə baxış tərzi ilə, istərsə də bizə də öyrətdiyi hansısa üzləşdiyimiz problemə necə yanaşmalı olmağımız ilə göstərdi.
Təlim haqqında ilk öncə onu demək istəyərdim ki, bu zamana qədər olduğum ən gözəl təlimdir. Demək olar ki, dərs zamanı heç yorulmadım hətta həm öyrənib, həm zövq aldım. Şahin müəllimin maraqlı, aydın dərs izah etmə metodu, həm yumor hissi, həm də səbri bizim, şəxsən mənim proqramı daha rahat mənimsəməyimə bilavasitə köməklik göstərdi.
Ümid edirəm ki, bundan sonraki mərhələdə, Beynəlxalq Oracle Sql sertifikatını almaqda eyni zamanda iş karyeramda yüksəlməkdə kursun mənə köməkliyi çox dəyəcək.
Təlimdə əldə etdiklərimə gəldikdə isə, ümumiyyətlə baza nədir, data nədir, Sql və Oracle nədir bu barədə ilkin məlumatları anladıqdan sonra, baza ilə işləməyi, bazada cədvəllər yaratmağı onları redaktə etməyi, sorğular yazıb raport çıxarmaq kimi bir çox geniş biliklər əldə etmiş olduq.
Bütün burada qeyd etdiklərimə görə Data SoCool-a və Şahin müəllimə çox təşəkkürümü edirəm.
Təlimlərə qatılmaqda məqsədim data science sahəsində irəli getmək, bu sahə üzrə karyera qurmaqdır. Məhz buna görə də R, Python kimi proqramlaşdırma dilləri ilə maraqlanır, SQL sorğu dili, vizuallaşdırma proqramları, həmçinin riyazi statistika və ekonimetrika üzərində çalışıram. Sizin təlimdə ən çox sevdiyim məqam çalışmaların real nümunə üzrə verilməsi, məhz sizin iş dünyasında qarşılaşdığınız problemləri həll etməkdir. Dərsin izahı çox gözəl və anlaşıqlıdır. Hər şeyə görə təşəkkürlər.
Kursla bağlı bildirmək istəyirəm ki, həqiqətən effektli bir kursdu. Əvvəllər azca SQL ilə məşğul olmuşam. Kursa başlamadan öncə özüm öyrənməyə cəhd göstərdim, lakin effektiv olmadı. Çünki query yazılışında müxtəlif çətin məsələlər meydana çıxır və bu suallara cavab verə biləcək peşəkar təlimçiyə ehtiyac olur. Çətin məsələlərin həllində Şahin müəllim bizə yaxından köməklik göstərir. Hər bir tələbənin sualına müxtəlif müvafiq misallarla cavab verir və bu da təlimin interaktiv keçməsinə səbəb olur. Şahin müəllimin təcrübəli olması və praktikada istifadə olunan nümunələrlə təlimi aparması bizdə də peşəkar düşünmə qabiliyyəti formalaşdırır. Ev tapşırıqları çox düşündürücü olur və bütün keçirilmiş dərsləri əhatə edən məlumatlar sayəsində bu tapşırıqları yerinə yetirmək mümkün olur. Bu da bizim öncəki dərsləri daha dərindən öyrənməli olduğumuzu praktiki olaraq sübut etmiş olur. Təlimdə həm praktiki, həm də nəzəri biliklər əldə etmişəm. Gələcəkdə 1z0-071 Beynəlxalq Oracle SQL sertifikatı almaq üçün imtahan vermək niyyətindəyəm. Şahin müəllimə təşəkkür edirəm və digər tələbələrə uğurlar arzulayıram!