Datanın faydalarını ölkəmizdə təbliğ etmək fəaliyyətimiz ilk olaraq 2018-ci ilinin avqust ayından bu sahəni öyrənmək istəyən şəxslərə istiqamət vermək ideyası ilə başlamışdır. 2018-ci ilin sentyabr ayında Azərbaycan Gənclər Fondunun XI Qrant müsabiqəsinə müraciət etmiş və 2019-cu ilin fevral ayından etibarən 500-dən çox müraciətçi arasından 3 mərhələ ilə seçilən 30 gənclə Excel, Power BI, SPSS və Tableau proqramlarına giriş mövzuları və bir neçə müxtəlif şirkətlərə infoturla ümumilikdə 12 günlük təlimlə başladıq. İlk məzunlarımız sayılan bu 30 gəncin bir qismi hazırda ölkənin aparıcı maliyyə, IT şirkətlərində və banklarında çalışırlar, bəziləri isə Avropanın aparıcı universitetlərində təhsillərini davam etdirirlər.
Data SoCool Təhsil modeli data sahələrində karyera qurmaq istəyən şəxslər üçün sıfırdan - Peşəkar İnkişaf Planının hazırlanmasından sonda iş və ya təcrübə ilə təmin etmək mərhələsinə qədər pilləli şəkildə dizayn edilmişdir. Öncə Karyera Məsləhətçisi tərəfindən tələbənin mövcud bazasına və öyrənmə imkanlarına uyğun olaraq Peşəkar İnkişaf Planı hazırlanır və Plan üzərindən dərslər tədris olunur. Yerli və Beynəlxalq Əmək bazarının tələblərinin araşdırılaraq formalaşdırılmış dərs sillabusları iş dünyasından real praktiki tapşırıqlarla təkmilləşdirilmişdir. Dərslərin birbaşa əmək bazarının tələbinə uyğun olması tam praktiki şəkildə ölkənin data üzrə aparıcı ekspertləri tərəfindən tədris edilməsi tələbələrimizin uğurlarının əsas sirridir.
Data sahələri tətbiqi elmlər olduğu üçün bu sahələri öyrənən zaman praktika mütləqdir. Təlim müddətində Peşəkar Təlimçi-Mentorlar tərəfindən tələbələrə tədris zamanı qarşılaşdıqları çətinliklərdə tam mentorluq dəstəyi göstərilir. Həmçinin, iş dünyasında qarşılaşa biləcəkləri keyslərə real praktiki tapşırıqlarla hazırlaşdırırlar.
Tədris müddətində hər öyrənmə modulunun sonunda Proqress quizlər, tədris müddətinin sonunda isə Capstone layihə işləyirlər. Quiz və Layihə ortalamasına uyğun olaraq iştirakçılara Təsdiqlənmiş Sertifikatlar təqdim olunur. Təlim proqramları həmçinin, Beynəlxalq Sertifikasiya imtahanlarına hazırlıq olaraq keçirildiyindən iştirakçılar təlim sonunda uyğun imtahanlarda iştirak edib müraciət edib əldə edə bilərlər. Hazırda Mərkəzdə Oracle Database SQL, Microsoft Excel, Microsoft Power BI kimi beynəlxalq sertifikasiya imtahanlarına hazırlıq keçirilir.
Tədris müddətinin sonunda Karyera Məsləhətçilərinin dəstəyi ilə tələbələrin Portfolio və Rezumeləri hazırlanır, sınaq müsahibələr təşkil olunur. Dərsləri müvəffəqiyyətlə başa vurmuş tələbələr əməkdaşlıq edilən qurumlara təcrübə və ya vakansiyalara yönləndirilir. Karyera Mərkəzinin fəaliyyəti nəticəsində hazırda ölkənin onlarla aparıcı şirkətləri və dövlət qurumlarında Data SoCool tələbələri çalışmaqdadırlar.
Data SoCool tərəfindən təşkil olunan təlim gözləniləndən çox daha dərin və praktik cəhətdən zəngin oldu. Satış və marketinq üzrə dataların istifadəsindən proqnozlaşdırılmasına qədər geniş öyrənmə xətti tamamilə əhatə olundu.
Kamal müəllimin aydın və hərtərəfli izahı ən çətin hissələri belə daha rahat anlamağa, daha həvəslə qavramağa kömək etdi. Öyrəndiklərimin tətbiqi ilə artıq yeni təhlillər aparır, biznes proqnozları tərtib edə bilirəm.
Bu günün və gələcəyin ən mühüm istiqamətlərindən olan data elminə maraq göstərən hər kəsə Data SoCool təlimlərini şiddətlə tövsiyə edir, əməyi keçən hər kəsə sonsuz minnətdarlığımı çatdırıram.
Həqiqətən çox faydalı təlim idi. Bir qərarverici şəxs olaraq əməkdaşlıq etdiyimiz şirkətlərin cari vəziyyəti haqqında reportların hazırlanmasında qərarların data üzərindən verilməsi, bunun üçün müxtəlif dashboardların hazırlanması, vizuallaşdırma və təsviri statistika bacarığına bu sahədə savadı, təcrübəsi ilə öz sözünü demiş peşəkar təlimçi Kamal müəllimin sayəsində sahib olduq. Müxtəlif istiqamətlərdən daxil olan dataların bir mənbədə toplanması SQL bacarığı ilə dataların bazalardan çəkilməsi, analizlərin aparılması üçün R, SPSS, Power BI kimi proqramlarda işləməyin vacibliyini öyrəndik. Dəyərli Kamal müəllimə xüsusi təşəkkür edirəm. Data SoCool ailəsi daim zirvələrdə!
Data SoCool-da Analysis and Reporting with Excel təlimində iştirak etdim. Data sahəsində mütəxəssis olmaq istəyən hər kəsə bu sahədə biliklərini möhkəmləndirməyi məsləhət görürəm. Mənə görə Data SoCool datalarla iş üzrə təlimlərdə tərəddüd etmədən etibar edilə biləcək tədris məkanıdır! Təliminiz keyfiyyetli, təlimçiniz Aydın Bağırov isə savadlı və təmkinlidir. Gülərüz komandanız, xoş münasibətiniz, əhatəli bilgiləriniz üçün təşəkkür edirəm! Sizinlə öyrənmək gözəl idi!
Təlim çox maraqlı məlumatlarla zəngindir. Hər bir biznes rəhbəri, sahibkara və məlumatlarla işləyən və qərar verən şəxslərə çox lazımlıdır.
Zamanına dəyər verən mütəxəssislər üçün zəruridir.
Təlimçi öyrətdiyi fənni dəqiq və dərinliklə bilir, eyni zamanda həm teorik, həm də praktiki cəhətdən yaxşı izah edir. Statistik məlumatlardan bilmədiyim bir çox sahələri əhatə edirdi. Administrativ cəhətdən bütün məlumatların e-mail vasitəsilə göndərilməsi xoşagələndir. Kursun vaxtı təlim iştirakçıları ilə razılaşdırılıb təyin olunmuşdu.
Kursa başlamadan öncə datalarla işləməyin vacibliyini və əhəmiyyətini anlayırdım, lakin təlimə başladıqdan sonra təlimçi Kamal müəllim bu elmin görünməyən tərəflərini sadə və səlis formada elə izah etdi ki, bildiklərim öyrəndiklərimin yanında çox kiçik qaldı.
Kursun təşkilatçılarına təlimi kifayət qədər peşəkar təşkil etdiyi üçün öz minnətdarlığımı bildirirəm!
Kursla bağlı bildirmək istəyirəm ki, həqiqətən effektli bir kursdu. Əvvəllər azca SQL ilə məşğul olmuşam. Kursa başlamadan öncə özüm öyrənməyə cəhd göstərdim, lakin effektiv olmadı. Çünki query yazılışında müxtəlif çətin məsələlər meydana çıxır və bu suallara cavab verə biləcək peşəkar təlimçiyə ehtiyac olur. Çətin məsələlərin həllində Şahin müəllim bizə yaxından köməklik göstərir. Hər bir tələbənin sualına müxtəlif müvafiq misallarla cavab verir və bu da təlimin interaktiv keçməsinə səbəb olur. Şahin müəllimin təcrübəli olması və praktikada istifadə olunan nümunələrlə təlimi aparması bizdə də peşəkar düşünmə qabiliyyəti formalaşdırır. Ev tapşırıqları çox düşündürücü olur və bütün keçirilmiş dərsləri əhatə edən məlumatlar sayəsində bu tapşırıqları yerinə yetirmək mümkün olur. Bu da bizim öncəki dərsləri daha dərindən öyrənməli olduğumuzu praktiki olaraq sübut etmiş olur. Təlimdə həm praktiki, həm də nəzəri biliklər əldə etmişəm. Gələcəkdə 1z0-071 Beynəlxalq Oracle SQL sertifikatı almaq üçün imtahan vermək niyyətindəyəm. Şahin müəllimə təşəkkür edirəm və digər tələbələrə uğurlar arzulayıram!
